Khmerization: Sam Rainsy appeals his conviction to the High Court លោក សម រង្ស៊ី ដាក់ពាក្យបណ្តឹងសើរើរឿងព្រំដែនកម្ពុជា-វៀតណាម ទៅតុលាការកំពូល

Sam Rainsy appeals his conviction to the High Court after the lower court convicted him of pulling off border markers on the Cambodian-Vietnamese border in 2009.

(ថ្ងៃទី 6 វិច្ឆិកា 2012,) | ដោយ: មុនីរ័ត្ន Cambodia Express News

លោក សម រង្ស៊ី ដាក់ពាក្យបណ្តឹងសើរើរឿងព្រំដែនកម្ពុជា-វៀតណាម ទៅតុលាការកំពូល

ភ្នំពេញ: លោក សម រង្ស៊ី អតីតប្រធានគណបក្ស សម រង្ស៊ី បច្ចុប្បន្នជាប្រធានគណបក្ស សង្គ្រោះជាតិ បានដាក់ពាក្យបណ្តឹងសើរើ ក្នុងសំណុំរឿងដកតម្រុយបង្គោលព្រំដែន លេខ១៨៥ នៅស្រុកចន្ទ្រា ខេត្តស្វាយរៀង ទៅកាន់ប្រធានតុលាការកំពូល ដើម្បីអ្វីដែលមេបក្សប្រឆាំង កំពុងនិរទេសខ្លួន រស់នៅក្រៅប្រទេស ចង់ឲ្យមានការដោះស្រាយតាមនីតិវិធី និងផ្តល់យុត្តិធម៌ដល់លោក ឲ្យបានរួចផុតពីការចោទប្រកាន់តាមផ្លូវច្បាប់។

ពាក្យបណ្តឹង សើរើរបស់លោកសម រង្ស៊ី បានដាក់ជូនប្រធានតុលាការកំពូល ចុះកាលបរិច្ឆេទ កាលពីថ្ងៃទី៣០ ខែតុលា ឆ្នាំ២០១២ ហើយត្រូវបានផ្សព្វផ្សាយ នៅថ្ងៃទី៦ ខែវិច្ឆិកា ឆ្នាំ២០០១២។

ក្នុងពាក្យបណ្តឹង លោក សម រង្ស៊ី បានជំរាបជូនប្រធានតុលាការកំពូលថា កាលពីថ្ងៃទី២៧ ខែមករា ឆ្នាំ២០១២ សាលាដំបូងខេត្តស្វាយរៀង បានចេញសាលក្រមព្រហ្មទណ្ឌផ្តន្ទាទោសលោក ដាក់ពន្ធនាគារកំណត់ពីរឆ្នាំ និងពិន័យជាប្រាក់ចំនួន ៨លានរៀល និងបង្គាប់ឲ្យលោក(សម រង្ស៊ី) អ្នកស្រី មាស ស្រី និងលោកព្រំ ជា រួមគ្នាសងចំណងការខូចខាតជាប្រាក់ចំនួន៥០លានរៀល និងសងជំងឺចិត្តជាប្រាក់ចំនួន៨លានរៀល ទៅដើមបណ្តឹងរដ្ឋប្បវេណី ពីបទធ្វើឲ្យខូចខាតដោយចេតនា (តម្រុយបង្គោលព្រំដែនលេខ១៨៥ កម្ពុជា វៀតណាម ) និងពីបទញុះញង់ឲ្យមានការរើសអើងជាតិសាសន៍។

លិខិត ដដែល បានលើកឡើងថា នៅថ្ងៃទី១៣ ខែតុលា ឆ្នាំ២០១០ សាលាឧទ្ធរណ៍បានចេញសាលដីកាលេខ៥៩ “ង” សម្រេចរក្សាការផ្តន្ទាទោសលោក ដូចសាលាដំបូងខេត្តស្វាយរៀងដដែល។ មកដល់ថ្ងៃទី១ ខែមីនា ឆ្នាំ២០១១ តុលាការកំពូល បានចេញដីកាលេខ៣២ សម្រេចតម្កល់សាលដីកាព្រហ្មទណ្ឌលេខ៥៩ “ង” ចុះថ្ងៃទី១៣ ខែតុលា ឆ្នាំ២០១០ របស់សាលាឧទ្ធរណ៍ទុកជាបានការដដែល។

នៅក្នុងលិខិត ដដែលរបស់លោកសម រង្ស៊ី បានឲ្យដឹងថា នៅថ្ងៃទី២ ខែធ្នូ ឆ្នាំ២០១១ រាជរដ្ឋាភិបាលកម្ពុជា បានចេញលិខិតលេខ៦០ សជណ.កបច

គោរពជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា ដោយបានផ្តល់ចម្លើយដោយសង្ខេបថា ទីតាំងបង្គោលព្រំដែនលេខ១៨៥ ក៏ដូចជាទីតាំងបង្គោលព្រំដែនមួយចំនួនទៀត ដែលនៅសេសសល់តាមបណ្តោយព្រំដែន រវាងប្រទេសទាំងពីរ កម្ពុជា-វៀតណាម មិនទាន់បានការឯកភាពគ្នា លើទីតាំងបង្គោលនេះនៅឡើយទេ។ ភាគីទាំងពីរបន្តចរចា ដើម្បីកំណត់ទីតាំងបង្គោលនេះ ក៏ដូចជាទីតាំងបង្គោលព្រំដែន នៅសេសសល់ដទៃទៀត ឲ្យបានសមស្រប អាចទទួលយកបាននាពេលខាងមុខ។

លិខិតលើកឡើងថា តាមការឆ្លើយបំភ្លឺរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា តាមរយៈលិខិតលេខ៦០ សជណ.កបច ចុះថ្ងៃទី០២ ខែធ្នូ ឆ្នាំ២០១១ គោរពជូនសម្តេច ហេង សំរិន ប្រធានរដ្ឋសភាបានផ្តល់ចម្លើយដោយសង្ខេបថា ទីតាំងបង្គោលព្រំដែនលេខ១៨៥ ក៍ដូចជាទីតាំងបង្គោលព្រំដែនរវាងប្រទេសទាំងពីរ កម្ពុជា-វៀតណាម រហូតមកដល់ពេលនេះ គណៈកម្មាការចម្រុះព្រំដែន នៃប្រទេសទាំងពីរ មិនទាន់បានឯកភាពគ្នាលើទីតាំងបង្គោលនេះនៅឡើយទេ។ ភាគីទាំងពីរបន្តចរចា ដើម្បីកំណត់ទីតាំងបង្គោលនេះ ក៏ដូចជាទីតាំងបង្គោលព្រំដែនដែលនៅសេសសល់ដទៃទៀត ឲ្យបានសមស្របអាចទទួលយកបាននាពេលខាងមុខ។

ប្រធាន គណបក្សប្រឆាំងរូបនោះ បានអះអាងថា “ដូច្នេះកាលដែលខ្ញុំទៅដកបង្គោលឈើចំនួន ៦ដើម ដែលដាំព័ទ្ធជុំវិញតម្រុយបង្គោលព្រំដែនលេខ១៨៥ កន្លងមកនេះ គឺមិនមានកំហុសទេ អាស្រ័យហេតុនេះ សូមឯកឧត្តមប្រធានមេត្តាទទួលយកនូវពាក្យបណ្តឹងសើរើរបស់ខ្ញុំ ដើម្បីដោះស្រាយតាមនីតិវិធី និងផ្តល់យុត្តិធម៌ជូនខ្ញុំ ដោយសម្រេចឲ្យខ្ញុំ បានរួចផុតពីការចោទប្រកាន់តាមផ្លូវច្បាប់”។

លោក ឌិត មន្ទីរ ប្រធានតុលាការកំពូល បានមានប្រសាសន៍តាមទូរស័ព្ទ កាលពីរសៀលថ្ងៃទី៦ ខែវិច្ឆិកា ឆ្នាំ២០១២ ថា ចំពោះពាក្យបណ្តឹងសើរើរបស់លោក សម រង្ស៊ី គឺតុលាការកំពូល បានទទួលហើយ ហើយគេកំពុងតែចាត់ការ និងកំពុងតែពិនិត្យមើល និងឲ្យចៅក្រម អយ្យការគេចាត់ការ និងពិនិត្យរឿងនេះហើយ។

ជាការកត់សម្គាល់ ពាក្យបណ្តឹងសើរើរបស់លោក សម រង្ស៊ី ទៅកាន់តុលាការកំពូល នាពេលនេះ ដើម្បីជាសំអាងហេតុមួយ សម្រាប់លើកឡើងក្នុងពេល គ.ជ.ប. បើកសវនាការលើករណីលុបឈ្មោះលោកសមរង្ស៊ី ចេញពីបញ្ជីឈ្មោះបោះឆ្នោត ដែល ក្រុមប្រឹក្សាជំនុំជម្រះ គ.ជ.ប. បានបើកសវនាការ នារសៀលថ្ងៃទី៦វិច្ឆិកា ឆ្នាំ២០១២៕

A Change of Guard

Tuesday 6 November 2012

Sam Rainsy appeals his conviction to the High Court លោក សម រង្ស៊ី ដាក់ពាក្យបណ្តឹងសើរើរឿងព្រំដែនកម្ពុជា-វៀតណាម ទៅតុលាការកំពូល

2 comments:

A Change of Guard

Tuesday 6 November 2012

Sam Rainsy appeals his conviction to the High Court លោក សម រង្ស៊ី ដាក់​ពាក្យបណ្តឹង​សើរើ​រឿង​ព្រំដែន​កម្ពុជា​-​វៀតណាម ទៅ​តុលាការ​កំពូល​

2 comments:

Sam Rainsy appeals his conviction to the High Court លោក សម រង្ស៊ី ដាក់ពាក្យបណ្តឹងសើរើរឿងព្រំដែនកម្ពុជា-វៀតណាម ទៅតុលាការកំពូល