ក្រសួងការពារជាតិកម្ពុជា
កំពុងតែស្វែងរកយុទ្ធសាស្ត្រពង្រឹងសមត្ថភាព
និងជំនាញរបស់ខ្លួនថែមទៀត ដើម្បីឲ្យមានភាពទំនើបជាងមុន
ក្នុងការការការពារបូរណភាពទឹកដីនៃប្រទេសកម្ពុជា
និងការថែរក្សាសន្តិសុខនៅក្នុងតំបន់។
រដ្ឋមន្ត្រីក្រសួងការពារជាតិកម្ពុជា លោកនាយឧត្ដមសេនីយ៍ ទៀ បាញ់
នៅថ្ងៃទី៨ ខែវិច្ឆិកា បានបញ្ជាក់ថា រថក្រោះ និងរថពាសដែកចំនួនជាង
១០០គ្រឿង
ដែលក្រសួងការពារជាតិបានទិញពីប្រទេសនៅតំបន់អឺរ៉ុបខាងកើតនោះ
(East EU) ត្រូវបានដឹកមកដល់ប្រទេសកម្ពុជា ហើយកាលពីពេលថ្មីៗនេះ
ដើម្បីឲ្យកងយោធពលខេមរភូមិន្ទកម្ពុជា ហ្វឹកហាត់បង្កើនសមត្ថភាព។
ការបញ្ជាក់នេះនៅគ្រាដែលក្រសួងការពារជាតិ
និងមន្ត្រីជាន់ខ្ពស់នៃកងយោធពលខេមរភូមិន្ទ បានប្រារព្ធខួបលើកទី៥៩
នៃការបង្កើតកងយោធពលខេមរភូមិន្ទ កាលពីថ្ងៃទី៩ ខែវិច្ឆិកា
ឆ្នាំ១៩៥៣ កន្លងមក ដោយស្នាព្រះហស្តរបស់ព្រះមហាវីរក្សត្រ
ព្រះបាទសម្ដេចព្រះ នរោត្តម សីហនុ
ក្រោយពីបានទទួលឯករាជ្យពីអាណានិគមបារាំង នៅឆ្នាំ១៩៥៣។
លោកនាយឧត្ដមសេនីយ៍ ទៀ បាញ់
បានមានប្រសាសន៍ប្រាប់អ្នកកាសែតនៅថ្ងៃទី៨ ខែវិច្ឆិកា
នៅឯក្រសួងការពារជាតិថា ការទិញរថក្រោះ និងរថពាសដែកនោះ
គឺមិនមែនជាការគំរាមដល់ប្រទេសជិតខាងណាមួយទេ៖ «នៅក្នុងតំបន់
របស់យើង ក៏ដូចជាពិភពលោក ការស្វះស្វែងរកហៅថា ប្រសិទ្ធភាព ឬហៅថា
បង្កើនសមត្ថភាពរបស់ខ្លួនដើម្បីបំពេញភារកិច្ចស្នូលរបស់ខ្លួននៅតាម
បណ្ដាកងឯកភាពនៅក្នុងកងទ័ព គឺជារឿងធម្មតាមួយ។
គឺសំខាន់បំផុតគឺថា ដើម្បីបង្កើនសមត្ថភាព និងភារកិច្ចរបស់ខ្លួន
នៅពេលដែលភារកិច្ចត្រូវបំពេញ គឺខ្លួនមានសមត្ថភាព
ដូច្នេះការនាំមកនូវរថពាសដែកមួយចំនួននោះ
គឺពិតប្រាកដបាននាំមកមែន»។
លោកមិនបានបញ្ជាក់ឲ្យដឹងថា តើការទិញនោះ
គឺត្រូវចំណាយថវិកាចំនួនប៉ុន្មាន
និងទិញពីប្រទេសណាមួយនៅតំបន់អឺរ៉ុបខាងកើតនោះទេ
ប៉ុន្តែសេចក្ដីរាយការណ៍មួយចំនួនបានឲ្យដឹងថា រថគ្រោះ និងរថពាសដែក
គឺផលិតនៅប្រទេសអ៊ុយគ្រែន (Ukraine)។
លោកនាយឧត្ដមសេនីយ៍ ទៀ បាញ់ បានបញ្ជាក់ទៀតថា
ការផ្ទុះអាវុធរវាងកងទ័ពកម្ពុជា ជាមួយកងទ័ពថៃ តាំងពីឆ្នាំ២០០៨
កន្លងមក បានធ្វើឲ្យក្រសួងការពារជាតិដាស់ខ្លួនឡើងវិញ
នៅគ្រាដែលកម្ពុជា បានទទួលសុខសន្តិភាពពេញលេញកន្លងមក៖ «ខ្ញុំឲ្យ
តម្លៃថា ជាការប៉ះទង្គិចមួយដែលវាមិនគួរឲ្យកើតមាន
តែវាមានទៅហើយ នៅក្នុងមួយរយៈពេលកន្លងមក។
ខ្ញុំតែងតែនិយាយច្រើនលើកហើយដែរថា ជាការដាស់សតិឲ្យយើង
ជាពិសេសកងយោធពលខេមរភូមិន្ទយើង អ្នកដឹកនាំយើង
បញ្ជាការគ្រប់លំដាប់ថ្នាក់យើង គឺបានភ្ញាក់ខ្លួនដែរ»។
ទាក់ទងនឹងវិស័យការពារជាតិនោះដែរ អ្នកវិភាគឯករាជ្យ លោកបណ្ឌិត សុខ
ទូច និងសាស្ត្រាចារ្យវិទ្យាសាស្ត្រនយោបាយ និងប្រវត្តិសាស្ត្រកម្ពុជា
បានមានប្រសាសន៍ថា ការពង្រឹងសមត្ថភាពកងទ័ព និងការពារបូរណភាពទឹកដី
គឺជាការចាំបាច់ណាស់។
លោក សុខ ទូច៖ «ប្រទេសជិតខាងអត់បានប្រើប្រាស់សហគមន៍អាស៊ាន
ក្នុងការបើកចំហនៃព្រំដែនរួមទេ
គឺក្រុមទាំងពីរនេះចេះតែកេងផលប្រយោជន៍ជាមួយប្រទេសកម្ពុជា
ដូច្នេះការពង្រឹងសមត្ថភាពកងទ័ព គឺជាការចាំបាច់។ ទី២
លំហាត់នៃកងទ័ពត្រូវតែកើតមាន បើសិនជាកងទ័ពគ្មានការលំហាត់
មិនអាចឲ្យមានភាពរឹងមាំរបស់កងទ័ពបានទេ ទី៣
ផ្ទះមួយត្រូវតែមានឧបករណ៍ដើម្បីការពារ
ដូច្នេះការគិតរបស់រដ្ឋាភិបាល គឺជាការត្រឹមត្រូវ
មិនមែនល្មោភសង្គ្រាមទេ»។
ក្រសួងការពារជាតិកម្ពុជា កាលពីឆ្នាំ២០១០ កន្លងទៅ បានទិញរថក្រោះ
និងរថពាសដែកចំនួនជាង ១០០គ្រឿងម្ដងហើយ ដឹកមកប្រទេសកម្ពុជា
តាមនាវានៅកំពង់ផែ នាខេត្តព្រះសីហនុ ក្នុងនោះមានរថគ្រោះចំនួន
៥០គ្រឿង និងរថពាសដែកចំនួន ៤០គ្រឿង៕
2 comments:
What's the reason that Cambodia's purchased these tanks for? My iphone can't read khmer's text [not recognize] All khmers texts were blank.Perhaps to protects Hun sen from khmer's spring huh? These tanks can't be used in war due to its very light weight base on my opinion,its can only be used to calm down or run over RIOTERS like Chinese did while back in China.
Kmenhwatt
you need to download and install khmer font.
Post a Comment